Giornata Internazionale dell’Amicizia
Il dono prezioso dell’amicizia, celebrato in
Lengua Milanesa!
L’AMIS
(di Carletto Oblò)
Ma per tì, ‘se l’è on amis?
Per rispond, per vèss precis
Voo in prestit, son sincer,
d’on poètta el sò penser.
L’è inscì bèll, quand s’è amis
giugà insèma, vèss felis;
con l’amis l’è bèll parlà
e i segrètt a lù cuntà,
rid con lù a crèppa pèll,
vèss content, come l’è bèll!
Cèrt di vòlt pò capità
d’inrabiss e litigà
de mandass a quèll paes
vèss tutt duu magari offes,
sentiss dì con fà decis:
“Te see pù el mè amis!”
Poeu però t’el brascett-sù…
se po’ nò stà senza lù
e per man, cont on sorris
te vee via col tò amis.
